You are currently viewing জীৱনৰ আন এক নাম “সমস্যা”

জীৱনৰ আন এক নাম “সমস্যা”

পৃথিৱীত এনে কোনো মানুহ নাই যাৰ কোনো ই সমস্যা নাই। এই সমস্যা ভৰা জীৱনত যদি সমস্যা কেই প্ৰাধান্য দিয়া হয় তেন্তে জীৱনৰ পৰা সুখ বোৰ নাইকীয়া হব।

সমস্যা যদি আৰ্থিক, শাৰীৰিক হয় তেন্তে মানুহে মানুহৰ সহায় লব পাৰে কিন্তু যদি মনৰ বা বেলেগৰ আগত প্ৰকাশ কৰিব পৰা নহয় তেতিয়াই এজন মানুহ মানসিক চিন্তাত ভুগিবলগীয়া হয় ।

যেতিয়া এজন মানুহে স্বীকাৰ কৰিব নোৱাৰে যে জীৱনত সমস্যা আহিবই তেওঁ বেছিকৈ মানসিক সমস্যাৰ চিকাৰ হব। যিজনে মানি লয় যে জীৱনত সমস্যা আহিবই তেওঁ হে সকলো সমস্যা সমাধান কৰি জীৱন বাটত আগবাঢ়িব পাৰিব। তেওঁ প্ৰস্তুত নাথাকিলেও ভাঙি নপৰিব।

মানুহ কেতিয়াও সকলো ফালৰ পৰা পৰিপূৰক হব নোৱাৰে, সুখী হব নোৱাৰে। সমস্যাহীন জীৱন কেতিয়াও আশা কৰিবও নালাগে , জীৱনলৈ অহা এই সৰু – ডাঙৰ সমস্যা বোৰে মানুহক ডাঙৰ কিবা এটা কৰিবলৈ সাহস প্ৰদান কৰে।

আমাৰ যুৱ সমাজত বৰ্তমান বিশেষ কৈ এইটো দেখা যায়, পঢ়া – শুনাকে ধৰি বেলেগ কিবা যদি নিজৰ মন অনুযায়ী নহয় মানসিক চাপত ভোগে। আৰু বেছিভাগেই কেতিয়াও এইটো নাভাবে যে ইয়াৰ কাৰণ কি হব পাৰে আৰু কেনেকৈ ইয়াৰ পৰা পৰিত্ৰাণ পাব। সমস্যা সমাধানৰ উপায়ক প্ৰাধান্য নিদি সমস্যাক প্ৰাধান্য দিয়া দেখা যায় যাৰ বাবে মানসিক দুঃচিন্তাই পিছ নেৰে।

পিতৃ- মাতৃয়ে নিজৰ লৰা- ছোৱালীক এই শিক্ষা বা জ্ঞান দিয়াটো বহুত জৰুৰী সেয়া হৈছে “জীৱনৰ আন এক নাম সমস্যা” যাৰ বাবে সদায় প্ৰস্তুত থাকিব লাগে মানুহ। তেতিয়া হে এটা সুন্দৰ জীৱনৰ আশা কৰিব পাৰি।


Rehena Parveen

Leave a Reply